مجلة مشهد من القرآن

 الأصل ،، جدك ـــــــــــــــــــــــــــ اشعار / ياسر عبد الحميد ـــــــــــــــــــــــــــــــــــــــــــ   جبر الخواطر ،، كان زمان   لما كان ،، جدي و جدك يسألوك   مين الكبير ،، و تقول ابوك ،، و بيضحكوا ،، و ف كل كلمة يشككو رغم أنهم ،، في الأصل كانو ، بينصحوك و يقولولك ،، تعرف ايه عن الأمان احفظ كلامنا ،، بين الخلايق يرفعوك هو أنت ايه غير اصل جدك  ابن الاصول لو يوم يشدك ،، يسألك  الأصل فين و منين جدورك اوعي الزمان ،،يزبد ،،غرورك و تقول أنك ،، ولا حد ،، قدك تنكر في اصلك ،، و تداريه ف تلاقي كام صعلوك يهدك ارجع لأصلك يا ابن صٰلبي ما تنشاهوش الأصل زي النخل ،، عالي  مهما تهزه ريح ،،اكيد ما تقلعوش ثابت مكانه ،، و عمره ما يغير وشوش و اللي يكبر جده ،، و حكمته ،،ثابت عليها يبقا الكبير في عزوته ،،  لو تقاليده،، ما فرطش فيها اجبر بخاطر كل واحد ،، كان ناسيها سيب،، الخسيس ،،حتي ف كلامه ما تسمعوش                ـــــــــــــــــــــــــــــــــــــــــــــ